SERVE fo ona lisensa negosiu ba Regal Kasino

SERVE fo ona lisensa negosiu ba Regal Kasino

posted: Friday, April 21, 2017 | 0 comments | 257 Views

Servisu Rejistu Verifikasaun Emprezarial (SERVE) fo ona entidade ka lisensa negosiu ba kompañia Regal Kasino ne’ebe mak foin dadauk ne’e hetan suspensaun husi Governu.

“Ami informa ba kompanha ne’e katak, ita boot la bele halo lai negosio kuandu seidauk kumpri lei, liu tiha loron rua (2) kompanha nain ba duni iha SERVE hodi kumpri duni saida mak iha, ne’ebe SERVE fo ona entidade negosiu ba kompanha hodi tuir ona lei ne’ebe mak ita iha,” hateten Diretor Ezekutivu SERVE, Florêncio Sanches ba Jornalista sira, hafoin partisipa sorumutu konaba revizaun lei Patrimonia Estadu, iha Ministeriu Solidaridade Sosial, Kinta (20/4).

Diretor ezekutivu SERVE ne’e hatete, kompanha Regal Kasino hetan ona entidade negosiu, maibe buat seluk ida mak nia tenki hetan tan lisensa atividades kona ba jogu nian, husi Ministeriu Turismu no Arte Kultura.

“Oras ne’e dadaun parte husi SERVE nian remata tiha ona, entaun hein fali husi Ministeriu Turismu verifika fali tuir lei ne’ebe iha bele ou la bele hodi halo fali kompanha nia negosiu, ida ne’e kompetensia tomak Ministeriu Turismu nian.Tanba instrudusaun ne’ebe ha’u simu no mos dekretu lei ne’ebe iha SERVE numeru 35/2012 ne’ebe hola parte deit ba iha entidade legal nian la’os ba atividade jogu nian, tanba lei rua la hanesan”, hateten Florêncio Sanches.des

Be Sociable, Share!