SDB realiza eventu WMO Fighting

SDB realiza eventu WMO Fighting

posted: Friday, April 21, 2017 | 0 comments | 399 Views

Sporting Dili Benfica (SDB) sei realiza eventu ida ho naran World Mix Marcial Art Organitation (WMO) Fighting iha Dili no sei partisipa husi atleta estranjeirus 16, maibe la involve Timoroan.

Desportu WMO Fighting ne’e sei realiza iha Sábadu, 22 Abril 2017.

Presidente Sporting Dili Benfica Fernando Incarnação hatete, desportu hanesan ne’e, nu’udar buat foun ida iha Timor Leste (TL) ne’eduni partisipa deit atletas estranjeirus.

“World Mix Marcial Art Organitation ne’e desportu ida ne’ebe iha konbinasaun entre boxing, karate. Ami lori mai Timor Leste tanba desportu ne’e iha popularidade bo’ot iha mundu”, dehan Presidente Sporting Dili Benfica Fernando Incarnação ba Jornalista sira, iha Colmera-Dili, Kinta (20/04/2017).

Atletad estranjeirus ne’ebe mai partisipa ne’e mak hanesan husi Indonesia, Amerika, Portugal, Costa Rica, Thailandia, no Argentina.

Husi Thailandia maka Pornpimon Kamnarong, Phanthongthae Kamnarong, Khunasin Chawwijak, Anuphan Kerdphon, Sattawat Soengkhunthod, no Danielle Marie Simmons, Ming Freeman husi Amerika, Francisco Fernandes husi Portugal, husi Indonesia Andrian Mattheis, Sony Rizaldi, Muhamad Nurul Fikri, Dede Yakobus Pubudanang, nune’e mos Braian Allevato husi Argentina no Allan Antonio Batista husi Costa Rika.

“Iha desportu ne’e sira bele tuku, tebe ekipamentu ba atleta sira ne’e so uza luvas deit, husi atleta sira ne’e iha feto nain 4 no mane 12. Eventu ne’e sei realiza iha loron Sábadu iha GMT”, Fernando Incarnação haktuir.

Iha okaziaun ne’e, Presidente SDB ne’e mós fo agradese ba Sekretariu Estadu Juventudi no Desportu (SEJD) tanba bele fo fatin GMT hodi atu realiza eventu ne’e.

Agradese mós ba Presidente no Vise Presidente CDTL nia apoiu transporte hodi tula atleta sira durante loron hat (4), no agradese mós ba Presidente Federasaun Voleybol no Basketbol tanba bele fo tempu atu realiza eventu ne’e, agradese mos ba Polisia Distrital Dili nian.

Atleta sira ne’e to’o iha Díli iha Kinta feira (20/4) iha tuku 13:00 OTL iha Aeroportu Internasional Prezidenti Nicolau Lobato, Comoro Díli.

Eventu ne’e hanesan parte ezibisaun ida atu halo promosaun ba Timoroan, no eventu ne’e rasik hetan kooperasaun no apoiu orsamentu Sporting Dili Benfica ho Empreza Timor Sport.nes

Be Sociable, Share!