Lei Elpar sei iha fiskalizasaun TR

Lei Elpar sei iha fiskalizasaun TR

posted: Friday, April 21, 2017 | 0 comments | 53 Views

Prezidenti Republika (PR), Taur Matan Ruak, to’o momentu ne’e, seidauk bele promulga lei eleisaun parlamentar (Elpar) tanba sei hein resultadu fiskalizasaun Tribunal Rekursu (TR).

To’o oras ne’e mos PR Taur seidauk bele hola desizaun ruma kona-ba loron fiksu ba eleisaun parlamentar nian. Maske, Governu rasik propoin ona atu data eleisaun bele akontese iha loron 8 fulan Julhu 2017.

“PR Taur Matan Ruak, haruka ona lei Elpar nian ba Tribunal Rekursu atu halo fiskalizasaun molok nia foti desizaun,” informa Primeiru Ministru (PM), Rui Maria de Araujo, ba jornalista sira hafoin hasoru malu ho PR Taur Matan Ruak, iha Palacio Presidensial, Dili, Kinta (20/4/2017).

Tribunal Rekursu rasik iha loron 25 nia laran atu halo fiskalizasaun ba lei sira ne’ebe PR Taur Matan Ruak, haruka ba. Tanba ne’e, prosesu lei ba Elpar nian hein deit ona rezultadu fiskalizasaun husi TR atu PR bele hola desizaun.

PM Rui fiar katak, eleisaun parlamentar nian bele realiza duni iha fulan Julhu entre loron 15 to’o loron 29. Maibe, Governu  konsidera loron 8 Julhu, nudar loron ne’ebe ideal ba eleisaun parlamentar nian. eus

Be Sociable, Share!