Aderito Hugo: Labele nega obra FRETILIN ho CNRT

Aderito Hugo: Labele nega obra FRETILIN ho CNRT

posted: Friday, April 21, 2017 | 0 comments | 164 Views

Prezidenti Parlamentu Nasionál (PN), Aderito Hugo da Costa, husu ba públiku atu labele nega obra ne’ebé mak Partidu FRETILIN no CNRT halo ona iha Timor Leste hodi goja independensia durante tinan 15 ne’e.

“Ema balu espresa observasaun ida ne’ebé ladun justu, ignora tomak progresu lubuk bo’ot ida ne’ebé mak la’o, maibé ema mundu internasionál mós apresia nivel atendimentu ne’ebé mak ita atinji iha tinan 15 restaurasaun independensia. rejista iha istória tinan 15 ne’e, FRETILIN lidera Governasaun tinan 5, CNRT lidera Governasaun tinan 10,”dehan Aderito Hugo da Costa ba jornalista sira iha PN, Kinta (19/04).

Aderito Hugo dehan, se la’os Timoroan mak valoriza, se tan mak atu valoriza ida ne’e, kuandu Timoroan rasik dehan buat hotu la’o lalos.

Nia afirma, Timoroan mak fas parte obra sira ne’e hotu, maske la’os atu buat hotu perfeitu iha tinan 15 ne’e nia laran.

“Se ita dehan ne’e laiha hotu, entaun buat ne’ebé mak ita atinji to’o agora, mai husi ne’ebé. Se polítikamente ita la konkorda malu, maibé obra ne’ebé investidu, ita tenki tau mós rekoñesimentu no orgullu ruma hanesan ema ne’ebé na’in ba nasaun ida ne’e,”katak Aderito Hugo.cos

Be Sociable, Share!