SEJD la brani halo pembekukan ba FFTL

SEJD la brani halo pembekukan ba FFTL

posted: Monday, April 17, 2017 | 0 comments | 429 Views

Presidente interino Federasaun Futebol Timor Leste (FFTL) Osorio Florindo hatete Sekretariu Estadu Joventude no Desportu (SEJD) la barani atu halo pembekukan ba FFTL.

“nia (SEJD-red) laiha direitu atu halo pembekukan, hau desafia nia, nia la fo 1 dolar nusa maka nia halo pembekukan, Indonesia halo pembekukan tanba Governu investe miliaun dolar rupiah ba PSSI, nia satu dolar mos la fo, se nia halo pembekukan ami lao nafatin tanba ami la depende ba sira, se Governu apoiu ami simu, se lae mos ami lao nafatin tanba ida ne’e kalendariu fiksu AFC no FIFA nian se ita la tuir ita hetan multa, nebe joga ida deit ita latuir selu 10 mil,” dehan Osorio Florindo iha Hotel Timor, kuarta (12/04/2017)

Nia dehan tan la gosta ema atu ameasa iha nia tranzisaun to’o kongresu, se hakarak servisu hamutuk, bele servisu hamutuk mais dehan atu halo pembekukan  halo tok.

“hau la gosta ameasa, nem se deit la ameasa hau iha tranzisaun to’o kongresu, ita hakarak servisu, tur hamutuk servisu mais dehan atu halo  pembekukan halo tok maka ita hare, laos FFTL maka terus mais joven sira, futebolista sira maka terus, agora ita organiza diak hela ne’e Liga futebol federasaun maka iha laran, Arbitu husi federasaun, komisi disiplina husi federasaun la servisu hamutuk ne’e iha nebe,” dehan Osorio.

Nia hatete Kongresu ne’e to’o tempo ema sei halo kongresu, maibe dala ida tan iha esperensia kongresu obriga ema la rekoñese, se maka eleitu hanoin publik hatene, Presidente Republik partisipa mais to’o induk organizasaun futebol la rekoñese, tanba ne’e persija lao ho kuidadu labele ameasa malu, se intrese ne’e joven sira nian mai hamutuk koalia mais intrese ne’e ida-ida nian entaun mai halo konflito para sira vitima.

“hau la fiar nia halo pembekukan, hau la fiar 100% SEJD sei halo pembekukan, se nia halo duni ami sei la tuir, ne’e hau dehan kedas, razaun tanba ami berdiri di atas kaki sendiri,” dehan nia.

Nia esplika tan kona enkontru three parte laos dehan Presidente Interino maka lakoi maibe tanba asosiasaun sira hamutuk ho ezekutivu sira desidi tanba FFTL laiha problema ho SEJD.

“agora sekretariu Estadu dehan win-win solution ami ne’e iha dualisme kepemimpinan ga, ami iha konflitu ho liga ga, ami konflitu ho nasaun ga, ami la iha komflitu ho organizasaun ruma, ami hatene mandatu kongresu mak hotu maibe ida ne’e laos SEJD maka atu organiza, ne’e labele, ami mos la diside so FIFA maka marka data atu kongresu,” informa nia

Kona ba kongresu nia dehan FFTL halo ona komfirmasaun ba FIFA no FIFA hatene politika Timor nian oras ne’e politika ba kampaña elisaun, tanba ne’e depois elisaun maka FIFA sei diside data atu halo kongresu.

“hau mos hatene hau nia an, hau laos Presidente FFTL maibe Presidente interino, diferensia ne’e maka kompetensia tomak ne’e iha hau maibe atu halo servisu, preparasaun kongresu, organiza jogu ba iha rai liur nafatin ne’e lao hanesan bai-bain tanba ne’e kalendariu labele muda, kona ba prekupasaun kolega sira nian validu maibe mos tenki hatene tuir se ilegal hau maka ilegal, sekretariu jeral ne’e laos kongresu maka hili, ne’e reuniaun ezekutivu, estrutura, asosiasaun sira tur hamutuk hili, hau mos sira hili interino atu hala’o servisu Presidente nian,” dehan nia. Nes

Be Sociable, Share!