Rumbia oferese medalha rua mai TL

Rumbia oferese medalha rua mai TL

posted: Thursday, March 30, 2017 | 0 comments | 205 Views

Atleta Rumbia Fatima Martins, husi Fedesaun Atletismu Timor Leste (FATL), konsege oferese medalha rua osan mutin ida no mean ida, ba Timor Leste (TL).

Rumbia Fatima Martins nu’udar atleta ida husi atleta na’in walu (8) ne’ebé mak reprezenta TL, ba kompete iha eventu Youth Atletik no Filipina Open.

Ba jornalista sira Presidente Federasaun Atletismu Afraino Xavier informa katak atleta Rumbia Fatima Martins konsege oferese medalha rua hanesan osan mutin ida no osan metan ida e fantastisimu liu maka Rumbia sai hanesan pemecah rekor ba segundu lugar iha halai 30 mil metro ho durasaun 10 minutus 26 segundus no atleta Vietnam 10 minutus 18 segundus tanba ne’e maka atlet Vietnam sai hanesan permeru lugar.

Afraino dehan tan iha segundu dia Rumbia ofrese tan medalha osan metan ida iha kategori halai 2000 metru maske Rumbia hetan aleja oituan iha parte ain tur tanba ne’e Rumbia tenki sai hanesan segundu lugar, se Rumbia lahetan aleza posibilidade bele sai permeiru lugar.

“Antes ami sai husi ne’e, ami promete ona ba Sekretariu Estadu Joventude no Desportu Leovigildo Hornai katak lakon mós lakon ho digñu sei manan entaun ida ne’e di’ak liu tan, agora hatudu katak ita mós bele halo,” dehan Afraino Xavier ba jornalista sira iha GMT, Kuarta (29/03/2017).

Nia dehan atleta mane sira mos iha mudansa maibe tanba iha neba atleta sira husi nasaun sira seluk mesak bo’ot deit maibe sei dehan youth tanba saida tanba iha kompetisaun sira ne’e ema bele muda data moris bainhira to’o iha neba komisaun labele halo buat ida tanba representa nasaun, tanba ne’e atleta Felisberto labele tuir tanba deit liu fulan liu oituan mais kuandu nia bele tuir fiar nia bele hetan hetan medalha osan mean.

“so Timor deit maka prense kriteria sira hanesan ne’e maibe nasaun seluk koi ona asraun maka ba sira dehan Youth ita hakfodak, tanba saida, tanba ema nia federasaun ho Governu servisu hamutuk segredu rai laran labele fo sai,” dehan nia.

Ho prestasaun ne’e federasaun orgulho laos deit ba federesaun maibe ba mos CDTL, CONTL no Governu liu-liu SEJD nebe nia politika diak bele koloka orsamentu.

“Ita persija fo han atleta sira, labele ami ba mengemis fali ba Ministeriu Solidaridade Sosial hodi foti fos, ami labele ba loja sira foti mina. Atleta sira ne’e mai husi SLB. Laulara Ermera nian, dala ruma Xanana maka fo netik osan oituan ba han nian, tanba atleta sira dadersan tenki han mantolun ida, susu ben, etu, modo ne’e ligasaun ho saude atleta sira nian,” dehan Presidente Federasaun Atletismu.nes

Be Sociable, Share!