Presiza proteje juventudi husi HIV-SIDA

Presiza proteje juventudi husi HIV-SIDA

posted: Thursday, March 16, 2017 | 0 comments | 236 Views

Sekretariu Ezekutivu Comissão Nacional Combate HIV-SIDA Timor-Leste (CNCS-TL), Daniel Marçal, hatete, juventude mak lider foun ba nasaun Timor Leste, tanba ne’e presiza fo atensaun maka’as atu proteze sira husi moras HIV-SIDA.

“ Komisaun hala’o sosializasaun maka’as ba iha eskola ba grupu joventude sira tanba komisaun haree katak sira ne’e jerasaun foun atu sai lider foun ba nasaun Timor-Leste nian ita tenki proteje sira, agora ita tenki fo hanoin barak ba sira,”dehan Daniel  Marçal ba jornaslita sira banhira hala’o mini Workshop konaba moras HIV-SIDA ba Juventude Fans Club LABEH iha salaun LABEH  Kuarta (15/3/17).

Daniel Marçal hatutan, joven sira agora moris hela iha situasaun dilemátika, tanba agora dadauk iha mundu ne’e joven sira sempre infrenta moras HIV-SIDA no droga.

“Ita koalia konaba HIV estraga ema barak ona, joven barak ona mak para eskola tanba problema HIV-SIDA, uma kain rahun ona tanba problema HIV-SIDA. Entaun ita presiza servisu maka’as atu fo hanoin ba sira katak sira mak tenki kuidadu sira nia-an husi moras HIV-SIDA,”nia esplika.

Entretantu Amu Kasmir Nema, SVD hatutan, koalia konaba moras HIV-SIDA ohin loron ema barak mak kona ona moras ne’e, entaun oinsa mak luta atu kombate moras ida ne’e liu-liu iha Timor-Leste presiza fo hanoin ba joven sira atu proteze-an.

“Ema prevene relasaun husi moras ne’e oinsa ita tau matan ba ita-nia maluk sira ne’ebé kona ona HIV-SIDA nomos liu-liu ajuda suporta sira, nune’e sira bele senti katak sira ne’e iha dignidade hanesan, la’os sira kona ona moras, sira izola sira nia-an,”Amu Kasmir Nema sujere.

Iha sorin seluk Diretor Ezekutivu LABEH, Cristopher  Henry Samsom, informa mos katak, to’o ohin loron ema lobuk bo’ot  mak afetadu husi moras HIV-SIDA. Tanba ne’e, husu juventude sira atu proteze-an husi moras ne’e, tanba moras HIV-SIDA ne’e nia aimoruk atu kura laiha.

 “Ema moras HIV-SIDA ne’e, balun mate ona, balun agora dadauk iha hospital hela. Tanba ne’e joven sira atu halo prevene-an,”dehan Cristopher Henry Samsom.car

Be Sociable, Share!