Manuel Vong : “Ha’u prontu servi nasaun ida ne’e”

Manuel Vong : “Ha’u prontu servi nasaun ida ne’e”

posted: Thursday, March 16, 2017 | 0 comments | 853 Views

Reitor Dili Instituto of Technology  (DIT), Manuel Vong, ne’ebé mak hasa’i nia kursu doutoramentu (S3) iha Nasaun Portugal hateten, prontu atu servi nasaun rai doben ida ne’e no ba povu Timor Leste hodi kontribui ba dezenvolvimentu nasional.

Manuel Vong hetan bolsa estudu husi Governu liu husi Ministeriu Edukasaun,  tanba ne’e agradese ba programa no planu Governu nian ne’ebé hakarak garante kualidade rekursus humanus ne’ebé hahú husi ensinu superior to’o iha Doutoramentu.

“Ami tuir teste ba bolsa estudu ne’e iha Gedung Matahari Terbit (GMT) iha tinan 2009 ho ema barak nune’e to’o ikus ami nain hira mak liu hodi ba hala’o estudu iha nivel Doutoramentu durante tinan 2 iha nasaun Eropa Portuguesa ho nia rezultadu agora dadauk diak,” Reitor DIT, Manuel Vong, relata ba JNDiário iha salaun MSS Caicoli Dili, Kuarta (15/03/2017).

Nia hatuta, planu Governu ba bolsa estudu ne’e atu bele garante kualidade edukasaun liu-liu iha area rekursu humanu, nune’e ME fo bolsa estudu ba timor-oan sira estuda iha nasaun Portugal, Cabo-verde, Cuba, Filipina, Thailandia, Australia no Indonesia.

“Maske antes ami atu aranka ba Portuguesa ami sei tuir formasaun lingua portuguesa fulan 6, maibé sei koalia naton nune’e ami ba Portugal ho esforsu maka’as no estuda nudar estudante, to’o ikus nia rezultadu hatudu sai diak liutan,”haktuir Manuel Vong.

Bolsa estudu ajuda teb-tebes Timor-oan, tanba ne’e nia parte husu ba Governu atu kontinua nafatin fo bolsa estudu ba Timor-oan para ba estuda iha rai liur. tos

Be Sociable, Share!