Profile Kandidatu PR Francisco Guterres ‘Lu-Olo’

Profile Kandidatu PR Francisco Guterres ‘Lu-Olo’

posted: Wednesday, March 08, 2017 | 0 comments | 266 Views

Kalma, humilde, badinas no iha responsabilidade bo’ot nu’udar karakter ida ne’ebé popular tebes iha peregrinasaun moris iha tempu okupasaun Indonesia nian durante tinan 24 iha Timor-Leste no tama ba era independensia nian. La seluk la leet, nia mak Francisco Guterres ‘Lu-Olo’ kandidatu Prezidente Repúblika (PR) ho númeru sorteiu 2 ne’ebé oras ne’e dadauk hahú kampaña tama sai Municipius hodi konkista konfiansa povu tomak atu lori nia ba Palasiu Prezidensial Aitarak Laran-Dili hodi sai Xefi Estadu Timor-Leste nian ba povu tomak.

Francisco Guterres ‘Lu-Olo’ la’os figura foun iha palku polítika Timor-Leste nian. Maibé figura ida ne’e koñesidu tebes, tanba asume ona kargu polítika hanesan Prezidente Asembleia Konstituante iha tinan hirak liu ba hodi produs konstituisaun República Democrática de Timor-Leste ka lei inan ne’ebé vigora iha rai lulik ne’ebé simboliza Lafaek ne’e.

Francisco Guterres nu’udar naran Baptismu no Lu-Olo hanesan naran kódigu funu nian durante tempu okupasaun Indonesia iha Timor-Leste. Francisco Guterres ‘Lu-Olo moris iha Ossu, Distrito Viqueque, iha dia 7 de Setembro de 1954.

Francisco Guterres ‘Lu-Olo’ nu’uda ema kaben nain. Nia espoza mak Cidália Lopes Nobre Mouzinho Guterres, husi familia Kristaun Katólika. Nune’e rezultadu husi domin ne’ebé kriatura nain rua ne’e hala’o durante ne’e hetan ‘aifuan domin’ (oan) hamutuk nain haat (4), mane tolu (Francisco Cidalino Guterres, Eldino Nobre Guterres, Felezito Samora Guterres no feto ida naran Dália Guterres.

Habilitasaun Literárias: Iha 1963 Lu-Olo hahú eskola iha Colégio de Santa Teresinha de Ossu, hodi komplementa 4ª classe iha 1969.

Iha 1969 kontinua eskola iha Liceu-Dili frekuenta to’o 1973. Depois fila fali ba Colégio de Santa.Teresinha sai hanesan monitor eskolar to’o tinan 1974.

Iha tinan 1974 mai fali Dili, ho intensaun atu kontinua fali nia estudu, maibe la posivel ho razaun luta iha FRETILIN ba independensia Timor-Leste nian.

 Tama fali ba tinan 2011, konklui ka remata kursu Direito iha Universidade Nacional de Timor-Lorosa’e, ne’ebé nia hahú estudu ka tama ‘Kuliah’ iha tinan 2005, era Presidente Parlamento Nacional de Timor-Leste.

Nune’e iha loron 24 de Abril de 2012, nia simu graduasaun iha Direito da Universidade de Timor Loro sa’e.

Funsaun Estadu: Iha 15 de Setembro 2001 to’o 20 de Maio de 2002, sai hanesan Prezidente Asembleia Konstituante.

Iha 20 de Maio de 2002 to’o 31 de Junho de 2017,  Prezidente Parlamentu Nasional República Democrática de  Timor-Leste.

Iha Marsu de 2014, nomeadu hanesan Presidente Comissão Preparatória da Cimeira dos Chefes de Estados no Governos da Comunidade dos Países da Língua Portuguesa.

Funsaun Polítikas/Partidárias

FRETILIN NO PARTISIPASAUN IHA REZISTENSIA BA POVU MAUBERE BA AUTODETERMINASAUN NO INDEPENDENSIA

Iha 1974 Lu-Olo sei otas nurak gosta tebes programa politiku ASDT (Associação Social Democrata Timorense), hodi  adere ba hanesan simpatizante ba Partidu Politiku ne’e, tanba defende Independensia Timor-Leste nian, mudansa ba vida sosiu-politiku no ekonomia atu povu Maubere de Timor-Leste, atraves de reforma estruturais no eransa ba sistema kolonial Portugues. Otas nurak (joven) ho personalidade kontestaria, maibe ho konsiensia, moralidade ne’ebé  rezulta ba nia instrusaun ho Padres Salesiano sira.

Iha 1975 Lu-Olo adere hanesan militante FRETILIN (Frente Revolucionaria do Timor-Leste Independente) no kuandu invazaun Indonesia ba Timor-Leste, retira hamutuk ho populasaun ho lideransa husi do Comité Central da FRETILIN, espesial ho juventude ne’ebé iha amizades profundas. Hamutuk iha Pelutaun ida husi FALINTIL(Forcas Armadas da Libertação Nacional) ne’ebé komanda husi Komandante Lino Olkasa. Inisiu ne’eba vida ida ba kombatente husi FRETILIN no husi independensia ba Patria Maubere.

Iha Junho de 1976, nomeadu hanesan Vice-secretário de Ossu, Distrito de Viqueque, no iha tinan ne’e kedan subtitui Sekretariu de Zona depois inimigu kaptura durante  incursão militar Depois da primeira reuniaun Comité Central da FRETILIN (CCF), em 1976, Lu-Olo foi nomeadu hanesan Vice-secretário da Região Leste, nune’e ligadu ho kedas Coamdo da Luta.

Iha 1977/78 nomeadu hanesan Komisariu Setor Ponta Leste nian

Iha finais de 1978, inimigu konsege kontrola populasaun atraves destruisaun ba baze de apoiu rezistensia popular, situasaun ida ne’e nia durasaun to’o to’o tinan 3.

Situasaun ida ne’e difisil tebes no dramátika para ema inisia iha guerrilha, maibe heroikamente suporta maka’as, nune’e entaun Joven Lu-Olo tomadu. PATRIA OU MORTE.

 Iha 1981, rezistensia armada FRETILIN nian restaura tiha iha foho husi lideresne’ebé sobrevividu hanesan Komandante Xanana Gusmão, Komandante Ma Huno no Komandante Basuka. Komandate Basuka mate mais tarde iha kombate.

Iha 1982, Lu-Olo nomeadu hanesan Adjunto, kolokadu iha rejiaun sentru leste, fazendu parte ba Komandu da 3ª kompanhia da Guerrilha, sai hanesan  responsável politico.

Iha 1984, Lu-Olo nomeadu hanesan Komisariu Politiku.

Liu iha 1987, ho dupla funsaun ezekutiva, tranferidu ba Rejiaun Cruzeiros, “kompostu husi Distritu Manufahi, Manatuto, Oeste, Aileu no Oriental de Dili Kapital ninian”.

Nomos iha 1987, Komandante em Chefe, Xanana Gusmão, desvinkula  FRETILIN no estabelese CNRM “Concelho Nacional da Resistencia Maubere”, hanesan estratejia foun ida iha luta lebertasaun ninian. Komandu politiku FRETILIN nian entrega Comissão Directiva da FRETILIN(CDF), hanesan parte integrante iha rezistensia armada, konstituida husi Ma Huno, Sekretariu Mau Hudo, Konis Santana no Lu-Olo, Vise Sekretarius.

Iha 1991 Mau Hudo hetan kapturasaun husi inimigu, Xanana hetan kaptura iha 1992 no Ma Huno iha 1993, Konis Santana asume funsaun  Secretario da CDF no akumula ho Comando da luta, Lu-Olo asume pozisaun Vice-secretário da CDF.

Iha 1997, Lu-Olo asume funsaun  Secretario da CDF, kuandu asidente ida halo Komandante Konis Santana mate, ne’e priense vazio politiku iha rezistensia armada.

Iha 1998, organiza ba Sidney-Australia proposta ida husi Lu-Olo, konferensia extraordinaria oda FRETILIN nian atu reorganizasaun ba Direcção Central da FRETILIN. Nune’e CDF kria Conselho Presidencial da FRETILIN, define Lu-Olo nomeadu hanesan Coordenador Geral do Conselho Presidencial da FRETILIN, iha rezistensia Armada, Mari Alkatiri primeiru Vise Koordenador Frente Diplomática, Mà Huno segundo Vice-Coordenador frente clandestina no Mau Hudo Secretario do Secretariado Politico Permanente da FRETILIN frente clandestina nian.

Iha 1998 Conselho Nacional da Resistência Timorense (CNRT) estabelesidu Lu Olo akumula cargos de membro do Conselho Politico Nacional do CNRT (CPN/CNRT), Secretario da Frente Politica Interna (FPI), membro Conselho Politico Militar Resistência Armada, no Coordenador Geral do Concelho Presidencial da FRETILIN.

Nune’e okupasaun nian no funu iha Timor-Leste, Lu-Olo iha foho leten sira ho FALINTIL para Aileu, kontinua armadu.

26 de Novembro de 2000 finalmente Lu Olo deside entrega nia AR-15 no munisoens ba Komando FALINTIL nian. Mai Dili, ne’ebé inisia Conferencia Nacional de Quadros da FRETILIN, pois reorganiza Estruturas Base da FRETILIN destruída durante funu ba libertasaun nune’e FRETILIN ba Congresso de 2001.

Iha kongresu FRETILIN nian Julho de 2001, Lu-Olo eleitu hanesan Presidente do Comité Central da FRETILIN.

Nune’e eleisaun lejislativas 30 de Agosto de 2001, para kriasaun Asembleia Konstituante ne’ebé kulminou ho vitoria FRETILIN. Lu-Olo eleitu hanesan Presidente da Assembleia Constituinte.

Iha 20 de Maio de 2002, oras 00:00, entrada vigor konstituisaun Republica Democrática de Timor-Leste, husi presidente Parlamento Lu Olo hodi halo deklarasaun restaurasaun da independência da República Democrática de Timor-Leste no empossa Presidente da República.

Iha Segundu kongresu FRETILIN nian iha Maio de 2006, Lu-Olo novamente eleitu hanesan Presidente do Comité Central da Fretilin.

Iha Abril de 2007, Lu-Olo kandidatu ba eleisaun prezidensial no vense iha primeira ronda kontra kandidatu José Ramos Horta. Lu-Olo avansa ba segunda ronda eleisaun Prezidensial ho kandidatu José Ramos Horta. Mesmu nune’e konsege hetan apoiu ba kandidatu prezidente da republika sira seluk.

Iha 20 de Agosto de 2011, Lu-Olo eleitu ba Presidente da FRETILIN iha Pakote ho Mari Alkatiri, ne’eb’e hetan partisipasaun mais de 160,000 militantes no 147,000 votos a favor de Lu Olo no Mari Alkatiri.

Iha 13 de Janeiro de 2012, Lu Olo  aprezentadu hanesan Kandidatu FRETILIN ba Presidente da Republica.

Relasoens Internasional: Iha 25 de Novembro de 2002, Lu Olo partisipa no fo diskursu iha 5ª Sessão da Assembleia Paritária ACP-EU.

Iha Agosto de 2004, Lu Olo partisipa no discursa iha 3ª Conferencia dos Partidos Políticos da Asiáticos iha Republica Popular da China.

Iha Setembro de 2005, Lu Olo partisipa no diskursu iha simeira Prezidentes Parlamentos do Mundo, iha Assembleia Geral da ONU.

Iha Dezembro de 2011, Lu Olo partisipa iha Conferencia Nacional do Partido Trabalhista Australiano.*****

Be Sociable, Share!