FRM ho SEJD fahe sertifikadu ba Treinador

FRM ho SEJD fahe sertifikadu ba Treinador

posted: Monday, March 06, 2017 | 0 comments | 398 Views

Fundasaun Real Madrid (FRM) hamutuk ho Sekretaria Estadu Juventudi no Desportu (SEJD), fahe sertifikadu ba treinadores Timoroan sira ne’ebé tuir ona formasaun konaba treinador nian, durante loron 3 iha Manleuana, Sesta (03/03/2017).

Iha seremonia fahe sertifikadu ne’e treinador husi Fundasaun Real Madrid ne’ebé mai direita husi Espanyol Miguel Angel Montoya hatete durante loron tolu ne’e la’os deit hanorin maibé aprende mós buat ruma husi treinador Timoroan sira.

“Fundasaun Real Madrid nia hakarak oinsa ita bele anima no halo hamnasa no importante liu maka aprende valores no joga, ba futuru ita tenki halo di’ak liu tan fundasaun Real Madrid nian, presiza tau iha ita nia hanoin katak buat ne’ebé fundasaun Real Madrid hakarak maka joga deit laiha tan buat seluk,” dehan Miguel Angel Montoya iha Fundasaun Real Madrid ne’e.

Nia hatutan katak, treinador sira atu labele haluha buat sira ne’ebé aprende ona nune’e ba oin bele prátika fali ba ema seluk, no wainhira hanorin tenki iha animasaun maka barak.

Nune’e mós António Velasquez hanesan Assessor Fundasaun Real Madrid husi Espanyol hatete kontente tebes tanba durante loron 3 treinador sira partisipa másimu iha treinamentu ne’e.

“Ha’u kontente ho formasaun ne’e fiar katak bele kontinua nafatin tuir saida maka fundasaun Real Madrid hakarak i labele para deit iha ne’e. Diploma ne’ebé imi simu ida ne’e simbolika deit maibé koñesementu ne’ebé iha ida ne’e maka importante,” dehan nia.

Asesor ne’e mós fó obrigadu ba SEJD no fiar katak servisu hamutuk ida ne’e labele para no kontinua la’o ba oin.

Iha fatin hanesan Sekretariu Estadu Juventudi no Desportu Leovigildo Hornai fó agradese ba Fundasaun Real Madrid tanba parseria ida ne’e la’o ona husi 2014 to’o agora.

“Ami nia realidade maka ne’e ami foin hahú konsolida ami nia dezenvolvimentu iha aspeitu hotu-hotu inklui futebol Timor Leste, ohin ita mai ensera formasaun ba treinador tanba ne’e ami hanoin katak sira bele uza prátika padraun no standarte ne’ebé iha Real Madrid nian atu bele transforma no transmite fila fali ba prátika iha kampo liu-liu ba eskola iha Bobonaro, Manatuto no seluk tan,” dehan Leovigildo.

Leovigildo mós rekoñese katak fasilidade sei la’o neneik maibé Governu iha planu atu konstroe no revitalisa fila fali fasilidade desportus nian iha Timor Leste.

“Ami iha asuntu tolu deit maka atu halo momerandum ho Real Madrid, ida maka konaba foin dadauk ami atu asina, ami propoin atu asina iha Jullu, iha Bernabeu segundu hanesan mós proposta atu treinador sira ne’e bele ba aprende di’ak liu iha akademia Real Madrid nian,” dehan nia.nes

Be Sociable, Share!