Manan maka sai tarjetu ba Karketu Dili FC

Manan maka sai tarjetu ba Karketu Dili FC

posted: Wednesday, February 22, 2017 | 0 comments | 404 Views

Klubu Karketu Dili FC hateke segundu epoka Liga Futebol Amadora (LFA) nebe tuir orario sei hala’o iha Maliana ho tarjeitu ida katak iha permeiru jogu ne’e tenki manan.

“ami halo preparasaun fulan ida ona, ami mos hadia klubu ne’e tantu husi treinador, jogador lokal depois prepara mos jogador estrajeirus. Preparasaun ami nian hau bele dehan atinji ona 90% no prontu atu ba joga iha Maliana. Ami nia tarjeitu la barak maibé hakarak ka lakoi permeiru jogu ne’e ami tenki manan,” dehan permeiru Vice Presidente  Karketu Dili FC Jose Adilson iha Bemori, tersa (21/02/2017)

Nia dehan tan kona ba triout nebe Karketu Dili FC lakon husi AS Ponta Leste ida ne’e sei la fo impaktu ba mentalidade jogador sira nian. Mentalidade jogador sira nian diak hotu, liu husi triout ne’e maka parte klubu sei hatene ida nebe maka fraku nune bele hadia.

Nune segundu vice Presidente Karketu Dili FC Luis Oliveira hatete klubu Karketu prepara an metin tanba ne’e sei hetan rezultadu diak.

“ami fiar katak sei manan ho skor 2-0, konaba jogador estrajeirus agora nain rua maka iha ne’e ona no sira hahu joga ona hamutuk ho jogador sira seluk. Mais ami nia jogador estranjeirus nain ida sei mai tan, ba permeiru joga ne’e ami sei joga ho formatu 4-4-2,” dehan nia.

Nia dehan tan jogador estranjeirus nebe Karketu Dili FC iha hamutuk nain 4 tuir dokumetus nebe klubu hatama ba LFA, nain 4 ne’e mai husi Chili 1 no Brazil 3 nain 4 ne’e sei monta iha posisaun ida Playmaker, nain rua avansadu no ida seluk depois maka sei haree.nes

Be Sociable, Share!