Moras dengue domina iha HNGV

Moras dengue domina iha HNGV

posted: Thursday, February 16, 2017 | 0 comments | 446 Views

Xefi Unidade Emerjensia Hospital Nacional Guido Valadares (HNGV), Luciana Celeste Amaral informa, hahú husi fulan Janeiru to’o Fevereiru, pasiente ho moras dengue maka domina iha sala emerjensia.

“Moras ne’ebé domina iha sala emerjensia husi Janeiru to’o Fevereiru mak dengue, tanba tempu udan afeita susuk barak. Tuir fali maka ís boot tanba udan para tiha rai rahun makas,” informa Luciana Celeste Amaral ba jornalista sira iha ninia kna’ar fatin HNGV, Kuarta (15-02-2017).

Nia esplika katak, jeralmente enfermaria sira servisu makaas tebes, tanba relasiona númeru pasiente ne’ebé ás komesa kedas husi fulan Dezembru 2016 to’o Fevereiru 2017, rata-rata loron ida enfermaria sira bele atende pasiente labarik kiik no adultu sira ne’e to’o ema 100 no dalaruma liu tan.

“Mezmu iha difikuldades barak, ami kontinua ajuda pasiente sira ne’e ho diak hanesan halo tratamentu ba sira, atu nune’e sira mós sente kontenti ho atendimentu ne’ebé sira simu husi enfermaria sira,” dehan Xefi Unidade Emerjensia HNGV.

Nia akresenta katak, importante liu maka komunikasaun no servisu hamutuk hodi halo atendimentu ne’ebé diak ba maluk sira ne’ebé presiza médiku ninia tulun. Ves

Be Sociable, Share!