Lei rai la defende interese povu, PR Taur sei hatama ba gaveta

Lei rai la defende interese povu, PR Taur sei hatama ba gaveta

posted: Wednesday, February 15, 2017 | 0 comments | 161 Views

Lei rai ne’ebe maka Parlamentu Nasional (PN) aprova ona, foin lalais ne’e, sei lori ba Prezidenti Republika (PR) Taur Matan Ruak, atu promulga, maibe PR Taur rasik hola pozisaun atu estuda lai molok promulga.

PR Taur kompremete katak, lei rai ne’e maka defende interese povu tomak nian, maka nia sei promulga, maibe la fo benefisiu ba povu, automatikamente nia sei hatama ba gaveta alias la kohi promulga.

PR Taur afirma lia hirak ne’e iha dialogu komunitaria ho komunidade sira iha suku Cunha, Sub-Região Pante Makasar, Oe-Cusse, Domingu (12/2/2017).

PR Taur afirma katak, Parlamentu Nasional halo lei rai  tenki defende intrese povu nian, tanba tuir PR Taur, Estadu halo lei  tenki defende interese povu nian.

“Hau sei promulga, mas haree maka la defende, Prezidenti sei hatama iha gaveta tanba Prezidenti mos tempu la iha ona, i prezidenti nia mandatu mos hela fulan rua deit,” hateten PR Taur.

PR Taur dehan, povu sira labele hanoin katak Prezidenti defende para atu soran povu ho nai ulun sira, maibe prezidenti dehan deit katak povu liu-liu Oe-Cusse oan sira, Prezidenti Autoridade ZEESM ninia mandatu mos to’o deit tinan ha’at ou lima hanesan ho Prezidenti Republika.

“Prezidenti Autoridade lakohi koalia ho imi, hau hanoin ne’e la bele. Nia tenki mai koalia ho imi, hau lakohi iha oin nia koalia ida, iha kotuk halo seluk. Maibe hau husu imi tenki ho ulun malirin kontinua karik loron ruma bele husu esplikasaun ba ita nia aman sira,” dehan PR Taur.

Iha fatin hanesan, Porta voz komunidade ne’ebe mak afeita konaba rai, Benjamin Tomas Pereira akresenta ba Prezidenti Taur Matan Ruak katak, Região Administrativa Espesial Oe-Cusse Ambeno (RAEOA) sai hanesan Governu nia liman no ain, liu husi projeitu ZEESM tama iha ne’e (RAEOA-red), atu núne’e hasai povu husi kiak no mukit. Maibe komunidade afeitadu barak sai vitima ba projeitu ZEESM.

Benjamin afirma katak, husi Posto Administrativu Pante Makasar, RAEOA, iha suku Costa, aldeia Sananan komunidade afeitadu, barak maka sai vitima ba projeitu pilotu ZEESM rasik, liu-liu ba problema rai.

Benzamin esplika, problema rai ne’e, husi rezidensia prezidenti Autoridade RAEOA ne’e, momentu ne’ebá halo rezidensia ba Prezidenti autoridade ne’e laiha koñesimentu no laiha komunikasaun  ho komunidade, tan ne’e hahú husi 2015 to’o 2017 ne’e rai hamutuk hectares sanulu resin hitu (17h) inklui rai ne’ebé maka dadauk ne’e halo rezidensia ba Prezidenti Autoridade RAEOA.

Benzamin  haktuir tan, durante ne’e, komunidade sira partisipa direita no indireita ba dezenvolvimentu projeitu ZEESM, maibe prezidenti autoridade ZEESM laiha konsiderasaun ba komunidade no la respeita komunidade sira.

“Tanba durante ne’e ami halo dialogu hodi konvida prezidenti autoridade (Marí Alkatiri-red) aumezu tempu konvida mos diresaun terras Propriedade, maibe realidade Prezidenti autoridade la marka prezensa to’o agora.”dehan Benzamin.

Benzamin informa liu tan, komunidade barak ne’ebe hetan afeitadu husi projeitu ZEESM, hahú husi 2015 to’o 2017 ne’e, seidauk hetan indeminizasaun.

Tanba ne’e husu ba Prezidenti Republika Taur Matan Ruak mai vizita iha ne’e, atu hare prosesu dezenvolvimentu ne’ebé maka halao, liu husi projeitu pilotu ZEESM, dehan Benjamin.

Entretantu, Castro da Cunha, núdar komunidade hatete katak, “ukun nain sai inimigo ba povu oe-qusse tamba sira foti povu nia rai hodi halo dezenvolvimentu ba ZEESM maibe to’o agora komunidade barak seidauk hetan indimizasaun.

Povu Oe-Cusse liu –liu povu husi Suku Costa, Sub-Região Pante Makasar, Região Administrativa Espesial Oecuse Ambeno (RAEOA), teristis tebes tanba, Prezidente Zona Espesial Ekonomi Sosial Merkadu(ZEESM) Mari Alkatiri lamarka prezensa durante dialogu Prezidente Republika ho Povu.

Prekupasaun ne’e fo sai husi komunidade Henrique Sila husi Aldeia Sanane, Suku Costa husu ba Prezidente Republika(PR) Taurr Matan Ruak, atu esplika rajaun Prezidente Zona Ekomonia espesial Sosisoal Merkadu (ZEESM) la marka Prezensa.

“Prezidente ZEESM ohin loron la marka prezensa durante dialogu Prezidente ho ami povu kuandu problema neebe mak ami hatoo nia laiha oinsa mak mai bele konsidera nia hanesan aman,”  hateten  Henrique liu husi Dialogu komunitaria ho PR Taur, iha Merkado Tono.

Henrique hatete prezidente ZEESM nudar aman ba povu Oe-Cusse maibe Prezidente Republika vizita povu, nia la marka prezensa.

Iha fatin hanesan, Castro da Cuinha hatete joventude Oecusse oan sira ba tuir formasaun maibe ikus mai la uza maske prezidente Autoridade informa Oe-Cusse oan barak mak sei servisu mais realidade ema estranjeiru sira mak domina.

“Ami Oe-Cusse oan sira sai haree nain iha ami nia rai rasik, prezidente mak fo tomada depose hodi mai  Ukun Ami povu Oe-Cusse promete fo servisu mai ami Oe-Cusse oan maibe realidade ami sai Penonton,” dehan Castro.

Hatan ba preokupasaun ne’e,  PR Taur Matan Ruak hatete, Prezidente Autoridade la marka Prezensa tamba iha sersvisu seluk, maibe iha ninia resprezentante no diretur sira marka prezensa.

“Hau mai ona, imi nia prezidente la mai, tamba nia iha servisu seluk, maibe iha ninia reprezentante sira ne’ebe oras nee marka prezensa,” dehan PR Taur. eus

Be Sociable, Share!