Jogu Amizade: Karsae manan Imanuel 5-2

Jogu Amizade: Karsae manan Imanuel 5-2

posted: Monday, January 30, 2017 | 0 comments | 503 Views

Jogu amizade ne’ebé hala’o iha Kampu Federsaun Futebol Timor Leste (FFTL), iha Sabadu (27/01) klubu Karsae FC lulun Klubu foun Imanuel FC ho skor 5-2.

Entretantu iha jogu ne’e jogador husi klubu foun Imanuel FC, ho jersey 9 konsege les uluk rede husi klubu Karsae nian iha minutu 15 iha jogu primeira parte nian. Ho ida ne’e skor  ba Imanuel 1 no Karsae 0.

Maske nune’e ekipa husi Karsae mós halo kontra ataka hasoru nia advesáriu Imanuel, nune’e iha minutu 29 bola hetan husi jogador ho kamizola 14 konsege halo kedan tebe ida ne’ebé mak la konsege salva husi guarda redi husi klubu Imanuel ho golu ne’e konsege hatur ona skor entre ekipa rua ne’e 1-1.

Tama ba jogu segundu parte ekipa rua halo kontra ataka ne’ebé mak kapás, maske hanesan klubu foun, FC Imanuel mós iha esperansa no vontade jogu, iha minutu 55 liu husi jogador jersey 10 halo kedan tebe ida ne’ebé mak maka’as ba rede Karasae nian, nune’e guarda redi (Baliza) la konsege salva bola. Ho golu ne’e klubu Imanuel aumenta pontu ba 2-1, maibé iha minutu 69 FC Karsae fó hikas fali golu bonito ida liu husi jersey 10 nune’e skor ba klubu rua ne’e sai fali 2-2. Maibé la to’o iha ne’e deit, Karasae hatudu dala ida tan nia esforsu iha minute 70 liu husi numeru kamizola 99 ne’e aumenta golu ida hodi muda pozisaun golu sai 3-2.

Iha minutu 80, jogador karsae Jersey Kamijola 99 les tan golu ida no bola la konsege salva hosi Guarda redi FC Imanuel halo eskor karsae nian aumenta ba 4-2. kontra ataka  hosi ekipa Imanuel komesa mihis ho ida ne’e ekipa Karsae aproveita oportunidade hodi aumenta tan golu ida husi jogador Jersey kamijola 14 realiza ba guarda redi FC Imanuel nian iha minute 83,  ho golu ikus ne’e halo eskor hosi Karsae ba iha 5-2. Portantu to’o jogu remata ekipa ekipa Karsae mak sai vensador, no derota ba Klubu Imanuel ho eskor 5-2.

Treindor klubu Imanuel FC, Salvador da Silva hatete jogu ho klubu Karsae ne’e ho objektivu atu  apriende esperensia sira ne’ebé mak Klubu Karsae iha.

“Ida ne’e hanesan orgullu bo’ot ida mai hau, tanba liña ida hau fo fiar ne’e ohin tun, hatudu duni sira nia servisu. sira hala’o duni instruksi ne’ebé mak treinador fo ba sira e sira implementa duni,” hatete nia hafoin jogu ramata iha Kampu Futebol FFTL, (Lapangan Pramuka) (28/01/2017).nes

Be Sociable, Share!