PM Rui: Ita hotu tenki orgulhu ho Marvi

PM Rui: Ita hotu tenki orgulhu ho Marvi

posted: Friday, December 30, 2016 | 0 comments | 316 Views

Primeiru Ministru (PM), Rui Maria de Araújo, husu Timor oan hotu tenki orgulhu ho Maria Vitoria (MarVi),   ne’ebé mak konsege tama ba kuatru finais iha kompetisaun Dangdut Academy Asia 2, iha Jakarta Indonesia.

“Ita  hotu orgulhu ba buat  ne’ebé mak Timor oan ida  ne’ebé mak konsege atinji, ita fo apresiasaun  ba ita-nia sidadaun ida, depois ita hein nia nain rasik ho ninia familia mak disidi, depois Governu haree saida mak Governu bele halo, para apoiu,” esplika PM Rui Maria de Araújo, ba  jornalista sira, hafoin enkontru ikus tinan 2017 ninian  ho Xefi Estadu Taur Matan Ruak, iha Palasiu Prezidensial Aitarak Laran Dili,  Kinta (29/12).

Antes  ne’e mós Xefi Governu  dehan, talentu  Maria Vitoria (MarVi),  ne’ebé  mak hatudu ona iha kompetisaun  Dangdut Academy Asia 2 iha Jakarta Indonesia presiza duni  hetan suporta.

“Governu haree hela explora posibilidade ne’ebé  mak iha, ha’u husu ba Embaixador Timor-Leste  nian  iha Indonesia atu estuda  hamutuk ho Indosiar  ho tan sel-seluk,  talentu  ne’ebé  mak merese  ita suporta, la’os deit ba Maria, maibe mós sira sel-seluk,”hateten PM Rui.

Xefi Governu hatutan,  MarVi tama   iha prosesu  kompetitivu ho baze ba méritu hatudu katak, nia iha kapasidade dezenvolve ba  oin entaun buka  oinsa atu suporta.

“Ha’u ninia hanoin kestaun agora la’os apoiu finanseiru, maibe  oinsa haree ba oin talenta  ne’ebé mak iha  ne’e  hetan nafatin suporta atu  nune’e bele dezenvolve ninia a’an ho diak  liu tan ida ne’e mak preokupasaun ita hotu nian,”hateten PM Rui.avi

Be Sociable, Share!