PR Taur promulga ona OJE 2017

PR Taur promulga ona OJE 2017

posted: Thursday, December 29, 2016 | 0 comments | 356 Views

Prezidente Republika (PR), Taur Matan Ruak, Kuarta (28/12/2016) promulga ona Orsamentu Jeral Estadu (OJE) tinan 2017 nian nebe akompaña  ho mensajen ida hodi haruka ba Parlamentu Nasional.

Orsamentu Jeral Estadu ba tinan 2017 nia nebe Parlamentu Nasional aprova iha meadu fulan Dezembro nian hodi haruka ba Presidente Republika promulga nebe ho motante USD 1.4 biloens.

Kontiudu mensajen Presidente Republika, Taur Matan Ruak nian  fo hanoin fali ba avizu hirak ne’ebé halo ona durante tinan hirak nia laran, relativamente nesesidade ida atu garante sustentabilidade dezemvolvimentu ekonomia, ne’ebé sai instrumentu prinsipal husi OJE nian.

“Se posivel atu mantein ita nia dezemvolvimentu bazeia deit ba despezas publiku ne’ebé finansiamente husi deit fundu petrolifero. Ba tinan 2017, OJE halo estimansaun katak, rendimentu sustentavel estimava sei dupla liu tan, no katak, kuaze rendimentu impostu tomak sei gasta hotu, ho potensia estragu maka’as ba ita nia jovem nia futuru”, hateten PR Taur Matan Ruak liu husi karta komunikadu ne’ebé mak redasaun JNDiário simu iha Taibesi, Dili, horseik.

 Iha karta komunikadu nee  mesiona katak atu bele atria investimentu estranjeiro ne’ebé haforsa opsaun hirak ne’e, sei furak liu atu investe ba iha edukasaun, tekniku, estabilidade husi setor justisa nian, no ba hadiak kondisaun moris ita nia sidadaun sira nian, du que antisipa investimentu publiku iha infraestrutura boot sira.

Xefi Estadu ne’e mos  bolu atensaun katak, presiza prosedimentu ne’ebe rigor liu tan iha kontak publiku sira, responsabiliza adekuadamente ba montante hirak ne’ebé transfere husi fundu autonomia sira no rendimente importu sira ne’ebé iha valor ba Estado.

Iha nota ba imprensa nee hatete la’os husi entidades autonoma sira ba nesesidade atu garante kualidade husi investimentu publiku no mos garante kualidade iha ekonomia husi investimentu publiku no mos garante liquidade iha ekonomia hodi selu Estado nia komprimisiu hirak, razaun ba hadiak ka ratifika OJE 2016 nian.

Presidente Republika, Taur Matan Ruak mos fo hanoin fila fali sobre nesesidade atu garante konidisaun hirak ba estabilidade iha eleisaun tinan oin (2017) mai iha debate kona ba asuntu barak sira ne’e, maibe sempre hanoin diak ba ita nia nasaun joven ne’e.

Ho promulgasaun Presidente Republika nian, mak Orsamentu Jeral Estadu ba tinan 2017 nian bele tama ona iha vigor fulan Janeiru 2017 mai hodi nunee membru governu sira bele ezekuta ona ba nesesidade Estadu nian. */mia

Be Sociable, Share!