Janeiru-Novembru, SM hatama reseitas US$. 229,750

Janeiru-Novembru, SM hatama reseitas US$. 229,750

posted: Wednesday, December 28, 2016 | 0 comments | 276 Views

Husi Janeiru to’o Novembru 2016 Servisu Migrasaun (SM) hatama reseitas ba kofre Estadu ho total orsamentu US$. 2,29.750, rezultadu husi sidadaun estranjeiru ne’ebé mak Viola Vistu hamutuk 732 peseoas,

Tuir  dadus stastistika SM nian, ema viola vistu husi Janeiru nain 100, multa US$15.250. Fevereiru 73 multa US $ 20.250. Marsu 113 multa US $ 17.350. Abril 69 multa US $ 38.775.

Iha fulan Maiu nian hamutuk 54 multa US $ 10.250. Junhu 74 multa US $ 24,575. Julhu 29 multa US $ 9025. Agustu 64 multa US $ 25,500, Setembru 76 multa US $ 30,250. Outubru 56 multa US $ 19, 775 no Novembru 24, multa 8,759. Total orsamentu tama ba kofre estadu hamutuk mill $ 229,750.

“Hahu husi fulan Janeiru to’o Novembru tinan ne’e parte Migrasaun rejistu ema estranjeiru viola vistu hamutuk nain 732, no konsege hatama reseita ba kofre estadu hamutuk mill $229,750,” relata, Xefe Sektór Operasaun SM Inspektór Assistenti Vicente Gusmão,ba jornalista iha ni knar fatin, Sesta (23/12/2016.)

Xefe Sektór Operasaun SM ne’e hatutan katak, hahu fulan janeiru to’o Novembru sidadaun estranjeiru viola vistu ne’e hamutuk 732 maioria husi  nasaun viziñu Indonesia.

Nia hatuir tan katak, parte servisu migrasaun aplika ona multa ba sira ne’ebé mak viola vistu no balun sei iha hela prosesu nia laran.

Tuir nia ema barak viola vistu tanba sistema ne’ebé mak iha ema estrangeiru ne’ebé tama mai Timor Leste tenke iha vistu turista mak foin ble trata fali vistu traballo nian.

“Ita nia sistema ne’e ema tama tiha mai hetan tiha vistu turista mak foin bele trata fali vistu traballu ida ne’e mak halo ema viola vistu barak iha ita nia rain,” dehan Vicente.

Nia dehan, atu halo komparasaun entre tinan ne’e ho tinan kotuk nian seidauk bele fo sai, tanba dadus fulan Dezembru nian seidauk remata.eus

Be Sociable, Share!