Porto Taibese sei halo rotasaun ba jogadores

Porto Taibese sei halo rotasaun ba jogadores

posted: Monday, December 12, 2016 | 0 comments | 238 Views

Prepara ba jogu segundu époka tinan 2016/2017, klubu futebol Porto Taibessi FC sei halo rotasaun ba jogadores 50 %. Tanba ne’e sei hapara kontratu ba jogador sira ne’ebé tuan no rekruta fila-fali jogador foun.

Iha peace coffee Dili, Sesta (09/12/2016), entrevista jornalista sira ho Prezidente Porto Taibessi FC, Martinho Sequeira hateten, husi sira-nia parte halo ona preparasaun hodi hasoru fali Liga Futebol Amdora (LFA) segundu époka tinan 2016/2017.

Martinho Sequeira informa, sei prepara mos jogador foun ba iha jogu segundu époka LFA, no klubu mos sei halo rotasaun kuaze 50% porsentu husi total jogadores ne’ebé dadauk ne’e iha ona (kuantidade jogadores, president la temi sai).

“Parese ami sei halo rotasi kuaze 50 porsentu (%), jogador tuan parese balun hau sei hapara nia kontratu, hau nia asistente pelati foin lalais ba iha Kupang ba Indonesia, inagura SSB Bintang Timur komesa tau matan ba iha jogador balun iha ne’ebá (Kuapang), e jogador balun iha rai laran mos hakarak mai joga fila fali ho ami Porto Taibessi FC,” katak Nia.

Konabá preparasaun jogadores iha klubu , president ne’e dehan, hanesan babain, maibe problema mak sponsor tanba sponsor antigun, balun laiha ona vontade atu fo apoiu tanba sira sente todan, maske nune’e hosi klubu sei esforsu buka nafatin sponsor no balun fó ona sinal posetivu.

Nia informa liu tan katak, simu ona informasaun hosi nia assistente treinador, Miro Baldo (eis-jogador estrela selesaun Nasional Indonesia) katak iha jogador nain rua mak mai hosi Indonesia, ida nia posisaun hanesan avansadu no ida mediu, maibe jogador restu hau sei foti hosi jogador balun ne’ebé mak hosi permeiru devisaun no segundu devisaun sira sei mai haforsa tan klubu Porto Taibessi FC.Jogu segundu epoka ne’ebe mak sei realize iha estadíu Maliana no Baucau, ida ne’e sai perkupasaun ba iha klubu sira hotu, katak Nia.

“Hau kontaktu internalmente ho kolega klubu sira hotu, problema principal ne’e iha rua ida seguransa, kuandu jogu ne’e la halo iha Dili, segundu operasional,” rekuinese Nia.

Karik LFA prontu atu tur hamutuk hodi rezolve situasaun ne’e parese liga bele hahu iha fulan Janeiru 2017, maibe kuandu ida ne’e mak la konsege resolve, ne’e sei sai difikuldade ba hotu-hotu no fiar katak sei la hahu sedu, realsa Nia.

“Tanba klubu barak ne’ebé mak Base iha Dili, karik nia hakarak ba joga iha Baucau, hau la fiar katak sira hakarak ba joga kuandu seguransa la diak, no problema mos ami nia operasional fee, tanba ita tenke aluga kareta ba to’o iha ne’eba (Munisipiu Baucau-Maliana), no ba iha ne’ebá tenke toba iha hotel no tenke halo gastus orsamentu, tanba ami seidauk hetan retornu hosi bola ne’e, tanba ne’e mak ami tenke kalku buat sira hotu,”dehan Nia. Ito

Be Sociable, Share!