PR Taur Dezafia Komunidade Luta Kontra Baruk Ten

PR Taur Dezafia Komunidade Luta Kontra Baruk Ten

posted: Friday, October 03, 2014 | 2 comments | 102954 Views

Prezidenti Repúblika (PR) Taur Matan Ruak dezafia komunidade suku Loilubu no suku Watulari, sub distritu Vemasse, distritu Baucau atu luta kontra baruk ten, tamba atu atinji objetivu ekonomia uma laran nian katak hisik kosar ba moris di’ak.

“Ha’u dezafia imi atu luta kontra baruk ten, imi tenke badinas la’os han toba deit, kalan toba hader sedu no tur deit iha uma, maibé husu atu serbisu maka’as uluk iha ai laran ita hotu badinas tebes mak ohin loron ita hetan ukun rasik-an,” dehan Prezidenti Repúblika Taur Matan Ruak bainhira halo diálogu komunitária iha suku Loilubu no Watulari, Subdistritu Vemasse, distritu Baucau, Kuarta (01/10).

Xefi Estadu ne’e tenik tan katak, partisipasaun komunidade mak tenke maka’as hanesan mós iha tempu uluk hodi partisipasaun povu nian mak to’o ohin loron, tanba ne’e maka husu ba komunidade tenke partisipa iha dezenvolvimentu.

“Hahú husi Prezidenti, Governu, Parlamentu Nasionál tun to’o mai iha povu ki’ik ita hotu tenke hamutuk ne’e história hatudu ida ne’e, tempu liu ba ita hotu hamutuk mak to’o ohin loron ita nia nasaun hetan liberdade, Prezidenti Repúblika, Parlamentu Nasionál, Governu mesak mós Estadu ne’e sei lala’o di’ak,” dehan PR Taur.

Eis Major Jeneral Falintil-Forsa Defeza Timor-Leste (F-FDTL) ne’e akresenta tan katak, “lori imi (povu, red), mak Falintil sira moris no lori imi mak nasaun iha, tanba ne’e maka ha’u (Taur, red), mai vizita imi atu fó agradese ba imi, nasaun sei lahaluha imi jerasaun ba jerasaun,

“Ita nia objetivu uluk la’os deit atu ukun-an maibé ita nia objetivu ukun-an atu hetan moris di’ak, ita nia sakrifísiu, terus, luta iha sentidu ne’ebé importante tebes. Sé ita ukun-an ba folin laiha di’ak liu Indonesia no Portugues mak ukun deit ita, maibé ita nia nasaun atu la’o di’ak no ita dehan uluk fakar ran agora hisik kosar ba moris di’ak tenke badinas serbisu hamutuk labele baruk ten no toba deit,” katak Taur Matan Ruak.may

Be Sociable, Share!

Leave a Reply

Your email address will not be published.