Labele Ejiji Deit Setor Privadu

Labele Ejiji Deit Setor Privadu

posted: Friday, October 03, 2014 | 4475 comments | 23461 Views

Governu labele ejiji deit setor privadu nasional atu investe, maibe tenki ejiji mos kompania bobot sira husi Indonesia, Cina, Singapura atu investe iha TL.

Prezidenti Camara Comerciu Industria-Timor Leste, Oscar Lima hatete, bele prekupa ho setor privadu nasional, maibe hare lai, setor privadu nasional ne’e iha osan ka lae. Se iha osan, osan ne’e hira.

“Nusa Governu la ejiji kompania bobot ne’ebe manan projeitu governu ne’e atu investe. Setor privadu nasional ne’e kiik manan osan mos oituan, se ita ejiji investe nia atu investe hira,” dehan Oscar Lima foin lalais ne’e iha nia kna’ar fatin, hodi hatan ba Sekretaria Estadu Apoiu Politika Seitor Privadu (SEAPRI) ne’ebe husu setor privadu sira tenki investe mos iha area sira seluk, labele hadau projetu governu.

Jenral Contractor, Asphalt Plant end Hevy Equipment ne’e husu SEAPRI tenki halo levantamendus de dadus nune’e setor privadu sira bele investe iha area hirak ne’ebe importante.

Tuir nia, diak liu ne’e governu halo kooperasaun ho kompania internasional sira ne’e atu fo treinamentu ba emprezariu nasional sira, nune’e sira bele hetan esperensia hodi jere rekursu ne’ebe iha.

Ba nia, laiha problema emprezariu Internasional tama iha TL, maibe governu tenki iha politika diak hodi fo mos oportunidade ba emprezariu kiik hodi kaer projetu kikoan sira nune’e sira mos bele aprende.

Iha biban ne’e, nia mos lakonkorda ho hahalok emprezariu balun ne’ebe ba hakilar iha Ministeriu Finansa, tanba tarde halo pagamentu.

“Hau la konkorda ho hahalok emprezariu ne’e, tanba hahalok ida que ladiak. Maibe hau mos atu husu entidades relevante atu prosesa lalais pagamentu, tanba emprezariu sira persiza osan para selu trabalhador,” Oscar Lima esklarese.

Nia mos salienta, problema pagamentu nudar problema bo’ot ne’ebe durante ne’e emprezariu sira infrenta, tantu emprezariu bo-bo’ot no mos emprezariu kiik.

“Ida ne’e problema bo’ot ida ne’ebe ami nia emprezariu sira infrenta. Ita nia emprezariu balun ladun iha kapasidade finanseira bo’ot, aat liu tan banku lafo kreditu. Entaun sira tenki esforsu an buka rasik osan hodi halao projetu no selu trabalhador, nune’e bainhira tempu pagamentu ne’e, tenki selu ona labele hein fali,” tenik nia.

Oscar Lima haktuir, iha enkontru ne’ebe CCIT-TL ho Primeiru Ministru iha loron 4 to’o 6 Agostu tinan ne’e, iha ona solusaun ba problema pagamentu, maibe realidade sei atraza nafatin.

Tuir lolos prosesu pagamentu tarde ne’e semana ida deit, la bele to’o fulan rua ou tolu, satan fulan lima. Nia fo ezemplu proposta kuandu tama ona Obras Publiku pois mai iha Ajensia Dezenvolvimentu Nasional (ADN), osan iha MF mos sai ona para kompania sira bele dada is diak.

Nudar Prezidente CCI-TL apela ba governu no setor privadu sira atu koopera hamutuk hodi dezenvolve nasaun TL.Ina/mj1

Be Sociable, Share!

Leave a Reply

Your email address will not be published.