Joven 2 Hetan Sona Husi Ema Deskoñesidu

Joven 2 Hetan Sona Husi Ema Deskoñesidu

posted: Friday, October 03, 2014 | 4125 comments | 29079 Views

Joven na’in rua (2), Nazário Oliveira ho Filomeno Reis Mendonça Segunda (29/09) kalan mais ou menus tuku 19:00 Otl, ema deskoñesidu sona iha Loja Dili Mart nia oin.

Joven na’in rua ne’e hetan sona tanba sira na’in rua ajuda atu salva mana ida nia pasta husi naok ten ne’ebé mak rasta no lori halai mana ne’e nia pasta, wainhira mana ne’e sai husi Loja Dili Mart nian.

Ema deskonesidu ka naokten ne’e lori hala’i pasta mana ida nian iha loja Dili Mart nia oin hodi halai nune’e mana ne’e husu ajuda ba maun nain rua ne’e hodi ajuda duni naokten ne’e, maibé sira na’in rua ne’e lakonsege kaer naokten ne’e maibé naokten fila fali sona vítima na’in rua ne’e.

Pasiente ho naran kompletu Nazario Oliveira ho idade tinan 32 ne’e hetan sona iha nia liman los to’o nia urat bo’ot kotu no pasiente ho naran kompletu Filomeno Reis Mendonça ho idade tinan 31 hetan sona husi nia liman karuk ho nia suku pontu 30.

Abetu

Filomeno Reis Mendonça esplika katak,naokten ne’e sira la konsege kaer,tamba hetan sona lalais husi naokten ne’e pior liu mak naokten ne’e sira nain 2 la konese,maibe sira nain hare nakoten ne’e hala’i dok tiha mak sa’e motor hodi hala’i maibe motor merek saida mos sira ladun hatene tamba kalan tiha ona.

“Ami tur halimar hela iha Bidau farmasia derepente rona lian ida dehan ajuda hodi kaer naokten ne’e maibe la konsege tanba nia mos lori tudik hodi sona iha vitima Filomeno nia liman sorin los no sorin karuk.”dehan vitima Filomeno ba JN-Diário iha HNGV Kuarta (1/10).Vitima nain rua ne’e hela hamutuk iha uma ida iha Bidau Kuluhun.

vitima Filomeno reis Mendonça ne’e nu’udar staf ka seguransa (security) iha Grupu Media Nasional (GMN) ka Jornal Nasional Diário no Jornal Nasional Semanário (JND/JNS) no vitima Nazario Oliveira ne’e nu’udar staf ka nain ba Bidau farmasia.

Iha fatin hanesan Vitima Nazario oliveira haktuir katak, naokten nain rua ne’e ho motor vixion metan ,vitima mos la konese naokten ne’e, tanba nakukun ona,no mos vitima ne’e la konsege atu hare motor ne’e nia sapa matrikula,maibe tuir informasaun katak intelegente mak hetan ona motor ne’e nia sapa matrikula hodi foti ona motor ne’e nia IDF ka sapa matrikula.alm/mj4

Be Sociable, Share!

Leave a Reply

Your email address will not be published.