Irigasaun Sai Problema Boot Ba TL

Irigasaun Sai Problema Boot Ba TL

posted: Wednesday, October 01, 2014 | 3334 comments | 94365 Views

Prezidenti Repúblika Taur Matan Ruak iha diálogu ho komunidade sira suku Makalaku sub distritu Quilicai distritu Baucau, sita katak irigasaun iha Timor Leste (TL), sai problema boot ne’ebé mak povu infrenta tanba irigasaun pursentu 80 mak tinan hetan estragus husi bee no mota.

“Irigasaun sai problema boot iha nasaun Timor-Leste tanba kuaze tinan ba tinan irigasaun pursentu 80 hetan estraga husi bee no mota,” dehan Prezidenti Repúblika Taur Matan Ruak wainhira diálogu ho komunidade sira iha suku Makalaku sub distritu Quilicai, distritu Baucau, Domingo (28/09).

Xefi Estadu ne’e hatutan katak, irigasaun sai hanesan problema boot ida iha nasaun doben TL ne’ebé mak husi tinan ba tinan povu doben TL liu-liu ba sira ne’ebé mak halo natar besik iha mota sempre hasoru. Nia dehan tan, kuaze sira ne’ebé mak halo natar besik iha mota bainhira udan boot mai ona sempre halai tama ba iha irigasaun hodi sobu hotu natar sira ne’eduni, hakarak ka lakohi Timor-Leste presija serbisu maka’as hodi kombate problema ne’e.

Tanba natar sai hanesan seitor importante ida ne’ebé mak bele lori dezenvolvimentu nasaun doben Timor-Leste nian lao ba oin nune’e, iha futuru labele dependensia liu ba iha importasaun husi rai liur.

Komunidade Makalaku Virgilio M. Freitas liu husi nia intervensaun ba iha dialogu Prezidenti Republika nian haktuir katak, durante ne’e sira nia natar labele fo produsaun ne’ebé mak diak hodi ajuda ekonomia merkadu Timor-Leste nian, tanba relasiona ho bee ba irigasaun ne’ebé mak laiha sai impedimentu boot ba sira atu kuda hare.

Iha fatin hanesan Maria Ximenes mos haktuir katak sira hakarak ajuda nasaun doben Timor-Leste liu husi produsaun agrikola atu labele dependensia liu ba iha aihan importasaun hanesan Fos husi nasaun estranzeiru.

Meibe oinsa mak sira atu ajuda se bainhira bee ba sira atu halo natar deit laiha no difisil tebes atu sira hetan, dala ruma kuda hela deit hare maibe tanba be laiha entaun ikus mai hare sira mate hotu no la isin ne’ebé mak diak.may

Be Sociable, Share!

Leave a Reply

Your email address will not be published.