Regulador Komsos CPLP Sei Sorumutu Iha Dili

Regulador Komsos CPLP Sei Sorumutu Iha Dili

posted: Thursday, September 25, 2014 | 11137 comments | 114423 Views

Regulasaun Komunikasaun Sosial (KomSos) ka media sira husi mundu Luzófonu sei hasoru malu iha Timor-Leste hahu husi dia 29 de Setembru to’o dia 03 de Outubru iha Otel Timor, Dili.

Karta komunikadu ba imprensa nebe redasaun JN-Diario hetan husi relasaun publika Sekretariu Estadu Komunikasaun Sosial (SEKOMS), Kuarta (24/09) katak, Sekretaria Estadu Komunikasaun Sosial Repúblika Demokrátika Timor-Leste (RDTL) nian mak sai uma-na’in ba sorumutuk da-3 PER nian, ne’ebé sei simu reprezentante sira husi entidade reguladór komunikasaun sosiál hosi país Lian Portuguesa ualu (8) Angola, Cabo Verde, Giné-Bisau, Guiné Ekuatoriál, Mosambique, Portugál, Saun Tomé no Prínsipe no Timor-Leste.

“Regulasaun média nian sira iha mundu Luzófonu-kooperasaun no modelu regulasaun nian sira iha área globalizasaun nian” mak sai nu’udar tema ba Sorumutuk da-3 Plataforma entidade reguladór Komunikasaun Sosiál País no Territóriu Lian Portugés.

Hein katak delegadu na’in 30 nu’udar reprezentante hosi delegasaun ualu maka sei partisipa, no sira iha misaun sentrál atu promove reflesaun kona-ba modelu regulasaun komunikasaun sosiál ne’ebé eziste iha espasu Luzófonu, nune’e mos atu buka hamutuk forma hirak di’ak liu kona-ba kooperasaun bilaterál no multilaterál haree ba nesesidade sira espesífiku husi setór media nian iha kada país hirak ne’e.

Tuir karta komunikadu ne’e hatete, PER ne’e harii ho inisiativa husi ERC nian- entidade reguladora komunikasaun Sosiál, iha loron 22, fulan -outubru, Tinan 2009, iha Sorumutu da-1 ne’ebé hala’o iha Lisboa, ninia misaun mak atu harii fórum kooperasaun no interkámbiu ida hodi regula informasaun no investigasaun sira iha ámbitu regulasaun komunikasaun sosiál. Sekretariadu Permanente PER funsiona iha sede ERC nian, iha Lisboa, hanesan estrutura responsável ba dinamizasaun iha altividade sira plataforma nian.

Sorumutuk ba da-2 PER nian, Konsellu Imprensa São Tomé no Prínsipe nian maka hala’o, iha tinan 2013, ne’ebé mak simu kandidatura husi estrutura regulasaun Giné-Bisau no Giné Ekuatoriál nian. Iha ne’e mós aprova ona deklarasaun konjunta ida (Deklarasaun Saun Tomé no Prínsipe) ne’ebé maka subskritor sira kompromete, aleinde aspetu hirak seluk, atu promove hamutuk formasaun téknika ba ninia kuadru sira no atu dinamiza asaun PER nian iha plataforma dijitál sira).

Sorumutuk ba da-3 PER nian ne’e konta mos ho apooiu husi Programa Komunikasaun Sosiál Uniaun Europeia nian -Kooperasaun ne’ebé delega ba Portugál, ne’ebé hetan finansiamentu husi Fundu Europeu Dezenvolvimentu nian (FED). */Nev

Be Sociable, Share!

Leave a Reply

Your email address will not be published.