Konferensia Nasional Juventude 2014

Konferensia Nasional Juventude 2014

posted: Thursday, September 25, 2014 | 4868 comments | 4785 Views

Governu liu husi Sekretariu Estadu Juventude no Desportu (SEJD), servisu hamutuk ho Conselhu Nacional Juventude de Timor-Leste (CNJTL), horseik (24/09), hahu halao ona konferensia nasional ba juventude sira nivel Distritu.

Distritu tolu ne’ebe halao uluk konfrensia ne’e mak hanesan Aileu, Manatutu no Liquiça depois tuir fali mai Distritu Dili no konfrensia juventude anivel nasional ne’e sei halao iha dia 29 to’o 31 de Outubru tinan ida ne’e.

Informasaun ne’e hato’o husi husi Direktor komunikasaun SEJD, João dos Santos ba wainhira dada lia ho JN-Diario Tersa (23/09), iha nia serbisu fatin Lecidere, Dili. Direktor Komunikasaun SEJD ne’e hatutan, iha Distritu Manatutu konfrensia refere sei loke direta husi Sekretariu Estadu Juventude no Desportu intereinu, Sua selensia Veneranda Lemos, atual Sekreteriu Estadu Para Apoiu Seitor Pribadu no akompanha husi nia rasik, iha Distritu Liquiça sei loke husi Direktor jeral SEJD, senhor Jose Luis Padua de Oliveira no iha Distritu Aileu loke husi Direktor intereinu Juventude SEJD no Inspektor Gestaun Interna SEJD. Direktor ne’e hatete.

Tuir Nia katak, iha konfrensia nivel Distritu ne’e, juventude sira bele partisipa to atus ida ba leten hodi partisipa iha konfrensia refere. No konfrensia nivel Distritu ne’e sei halao durante loron ida deit.

Antes ne’e vice Prezidente CNJTL, Maria Dadi iha nia intervista ba preprasaun konfrensia nasional juventude semana kotuk, iha ofisiu SEJD hatete, objektivu husi konfrensia ne’e atu halo revizaun ba politika nasional juventude nian. Ho ne’e tema ba konfrensia ne’e mak “Dezenvolvimentu Juventude iha Kontekstu Transformasaun Lideransa”.

Nune’e mos, Lizerio Mateus Dias, eis Prezidente Parlamentu Foinsa’e (PF) ne’ebé sei partisipa mós iha konferensia nasional ne’e hatete, liu husi konferensia nasional juventude bele halibur fila-fali juventude hot-hotu husi Distritu 13 tanba konferensia ne’e rasik hahú husi nivel distritu to’o iha nivel nasional.

konf1

“Juventude hotu ne’ebé partisipa iha konferensia ne’e bele fo sira nian hanoin hodi hala’o revizaun ba politika nasional juventude atu nune’e ba oin bele hetan politika ida ne’ebe diak hodi bele responde duni ba nesesidade juventude sira nian iha futuru mai,”hatete eis Prezidente PF ne’e.

Lizerio dehan, durante ne’e problema juventude nian barak teb-tebes entaun governu koopera hamutuk ho parseiru sira hodi hala’o konferensia ne’e atu nune’e bele akumula ideia juventude sira nian hodi kontribui ba dezenvolvimentu rai ida ne’e nian. Nev  

Be Sociable, Share!

Leave a Reply

Your email address will not be published.