TL Komemora Loron Mundial Primeiru Sukorus Salva Vida

TL Komemora Loron Mundial Primeiru Sukorus Salva Vida

posted: Monday, September 15, 2014 | 1 comments | 86338 Views

Governu Timor-Leste servisu hamutuk ho Cruz Vermelha Timor-Leste (CVTL) komemora loron mundial prevensaun primeiru sukorus ba vítima dezaste naturais hodi salva ema nia vida.

Sekretariu Jeral interinu CVTL, Estanislau Guterres iha nia intervensaun hateten katak, la haluha hato’o agradesementu ba organizasaun ne’ebé mak durante ne’e fo apoiu no servisu hamutuk ho CVTL hodi tau matan ba vitima dezastre hodi salva ema nia vida.

“Iha mundu tomak, cruz vermelha iha mundu tomak selebra loron ida ne’e no mós cruz vermelha Indonesia ohin selebra loron ida ne’e,”dehan Estansilau Guterres iha nia intervensaun wainhira loke serimonia komemorasaun loron mundial primeiru sukorus salva vida nian ne’ebé mak hala’o iha Timor Plaza, Dili, Sabadu (13/09).

Sekretariu Jeral interinu ne’e hateten, fo primeiru sukorus ba vítima dezastre ida la’os fasil tamba wainhira salva ema nia vida mak la ho kuidadu bele lakon ema nia vida tamba ne’e funsionario voluntario sira CVTL nian tuir formasaun oi-oin sobre primeiru sukorus atu bele atende vitima dezastre ida wainhira halo salvasaun primeiru ba ema nia vida.

“Primeiru sukorus la’os buat ida ne’ebé fasil tamba ita kuandu foti la hatene ema bele lakon vida,”dehan nia.

Sekretariu Jeral ne’e konta katak, dala barak ekipa husi CVTL nian ne’ebé hala’o servisu ho volunatiamente, sira hala’o servisu diak tebes tamba ho formasaun diak ne’ebé mak sira hetan wainhira ajuda vitima dezastre sira ba hospital, doutor sira hatene kedas ona pasiente sira nia moras.

“Ha’u haree dala ida iha Hospital nasional Cruz vermelha nia ema fo asistensia primeira sukorus ba kanek ida husi Maliana mai doutor haree deit, nia kuandu dudu tama iha sala emerjensia doutor sira haree moras iha parte ne’ebé sira hatene tiha ona,”nia afirma.

Tamba ne’e Sekretariu Jeral ne’e husu ba funsionariu voluntariu sira atu kaer metin nafatin formasaun ne’ebé mak sira hetan husi treinador uza hodi salva vitima dezastre sira nia vida.

Iha fatin hanesan Director Jeral Diresaun Nasional ba Dezastre, Ministerio Solidariedade Sosial (MSS), Francisco Rosario hateten, durante ne’e CVTL sempre fo apoiu hosi responde ba vitima dezastre oi-oin ne’ebé mak sempre afeita ba ema nia vida.

“Ita nia CVTL sempre servisu hamutuk hodi responde ba iha situasaun emerjensia ninian, situasaun dezastre mak mai husi dezastre oi-oin ne’ebé mak afeita ba ema mate, kanek e lakon. Ida ne’e ita tenki responde lalais fo apoiu ba sira,”dehan Francisco Rosario.

Director Jeral ne’e rekoñese katak, Timor-Leste seidauk iha dezastre ne’ebé bo’ot hanesan iha rai seluk ne’ebé afeita ba ema rihun ba rihun nia vida. Tamba ne’e presiza organiza-an hodi halo prevensaun ba dezastre iha teritoriu Timor laran tomak.

Iha komemorasaun ne’e partisipa husi reprezentante MSS, Sekretariu Estadu Politika Formasaun Profesional no Empregu (SEPFOPE) inklui Polisia Nasional Timor-Leste no parte Bombeiros.dgx

Be Sociable, Share!

Leave a Reply

Your email address will not be published.