Naok Motor, SB Ameasa Kadeia Tinan 9

Naok Motor, SB Ameasa Kadeia Tinan 9

posted: Saturday, September 13, 2014 | 1 comments | 133642 Views

Arguidu ho inisial SB, ameasa kadeia tinan 9, tanba diskunfia naok vitima Julio Nino nia motor.

Tuir akuzasaun husi Ministeriu Pubiku (MP) katak, iha loron 3 Outobru 2011, iha Fomentu-Comoro, Dili, Julio Nino hanesan fungsionario Ministeriu Solidaridade Sosial nia motor ho marka Mega Pro numero matrikula 13970 G para hela iha uma.

Iha tuku 03 :00 madrugada, arguido tama ba Julio nia uma foti motor hodi lori ba Ermera. Depois liu tiha loron 4 mak polisia ba arguidu nia uma hodi hetan fali motor ne’e.

Ho arguidu nia hahalok ne’e MP akuza arguidu ho krime furtu agravado. Hafoin rona tiha akuzasaun arguidu rekunhese hotu akuzasaun. Nia informa ba tribunal, polisia prende motor ne’e bainhira nia iha dalan atu ba Hatulia. Maibe oras ne’e dadaun arguidu arepende ona ho nia hahalok ne’e no nia hatete naok tanba deit atu sustenta nesesidade familia uma laran.

Rona tiha deklarsaun arguidu nian, tribunal tama kedas ba alegasaun. Iha alegasaun MP husu ba tribunal atu aplika pena prizaun tinan 3 tanba arguidu konfesa nia mak naok duni atu sustenta familia uma laran.

Iha parte seluk defeza husu ba ba tribunal atu aplika pena ne’ebe justu. Antes ne’e, arguidu mos hetan ona pena prizaun tinan 6 fulan 6 ho krime ne’ebe hanesan furtu agrvadau. Tanba ne’e oras ne’e dadaun arguidu ameasa kadeia tinan 9.

Audensia julgamentu ne’e presidi husi juis koletivu Antoninho Gonçalves, Zumiaty Freitas ho Francisca Cabral, MP reprezenta prokorador Felismino Cardoso. Arguidu hetan asistensia legal husi defensor publiku Laura Valente Lay. Audensia julga mentu ne’e adia hikas ba loron 1 Setembru, tinan ne’e, tuku 14:30 OTL, hodi rona leitura akordaun. lia

Be Sociable, Share!

Leave a Reply

Your email address will not be published.