TL Simu Ona Pasta Prezidénsia CPLP

TL Simu Ona Pasta Prezidénsia CPLP

posted: Tuesday, July 22, 2014 | 8 comments | 157260 Views

Estadu Timor-Leste horseik Segunda, (21/7), ofisialmente simu ona pasta Prezidenti Comunidade dos Países da Língua Portuguesa (CPLP) husi Prezidenti sesante CPLP Moçambique ne’ebé asume antes ona.

Embaixador TL ba CPLP, Antonito de Araújo informa katak, iha loron Segunda horseik ne’e reuniaun entre embaixdor sira ba CPLP nian ne’ebé hanaran Comite de Consentrasaun Permanente (CCP). “Enkontru ida ne’e mós hanesan pasajen de pasta Prezidénsia CPLP nian husi Moçambique ba Timor-Leste,” relata Embaixador TL ba CPLP, Antonito de Araujo iha Ministériu Negósius Estranjeiru i Koperasaun horseik. Antonito hatutan katak, pasajen pasta ne’e hanesan mós kargu no mandatu foun ne’ebé mak TL sei lidera Prezidénsia CPLP ne’e, durante tinan rua nia laran, hahú husi 2014-2016.

Antonito esplika, kona-ba desizaun sira ne’ebé mak atu implementa durante tinan rua TL lidera CPLP ne’e, sei hein desizaun husi xefe Estadu no xefe governu sira liu husi reuniaun Konsellu Ministru CPLP nian ne’ebé mak sei hala’o iha loron Kuarta (23/7) semana ne’e.

“Ita sei halo desizaun no implementa durante tinan rua, ida ne’e Timor Leste hamutuk ho Estadu membru permanente sira seluk CPLP nian implementa desizaun ne’ebé mak ita nia xefe Estadu no xefe governu sira halo no desidi iha loron 23 aban ne’e”katak Antonito.

Nia haktuir, iha reuniaun xefe Estadu no governu ne’e mak sei deside desizaun sira ne’ebé mak TL atu implementa iha tinan rua nia laran.

“Ita halo kalendariu, ita hatene planu saida deit mak durante ne’e propoin iha enkontru ekipa tekniku sira no ami debate ida ne’e depois pasa ba iha KM-CPLP no KM-CPLP mak rekomenda ba iha desizaun xefe estadu no xefe governu sira,”katak Antonito.

Nune’e, Embaixador Antonito haktuir katak, durante tinan 2 Timor Leste lidera prezidensia CPLP ne’e, sei iha kooperasaun no servisu hamutuk entre Estadu membru sira hodi implementa desizaun sira ne’ebé mak KM-CPLP hasai ona.

Antonito hatutan, durante TL lidera CPLP ne’e, kada fulan rua membru pais permanente CPLP sira liu husi Comite Consentrasaun Permanente sira sei hala’o enkontru ordinariu kada fulan rua.

“No ajenda sira ne’ebé mak grupu traballu CCP sira halo iha loron 19 julu foin lalais ne’e depois lori fali mai iha ami embaixadores CCP, ajenda sira ne’e hanesan deit só que sira grupu traballo halo tiha leitura ida no lori mai embaixadores sira halo apresiasaun no depois ami embaixadores sira nia apresiasaun ne’e remata aban (ohin) ba fali segunda leitura ka segunda apresiasaun Ministru no husi KM-CPLP mak rekomenda fali ba desizaun xefe estadu no xefe governu sira nian,”relata Antonito.tap

Be Sociable, Share!

Leave a Reply

Your email address will not be published.