Malaysia Hakarak Dezenvolve Kooperasaun Militar

Malaysia Hakarak Dezenvolve Kooperasaun Militar

posted: Thursday, June 26, 2014 | 4000 comments | 5841 Views

Tenenti Jeneral Malaysia Kuarta horseik halo vizita kortezia ba Ministériu Negósiu Estranjeiru i Koperasaun (MNEK) José Luis Guterres hodi informa kona-ba saida maka nasaun parseiru dezenvolvimentu ne’e hakarak atu halo ba Timor Leste.

José Luis Guterres informa katak, ida ne’e hanesan enkontru kortezia ida, tanba Tenente Malaysia ne’e mai, Maior Jeneral Lere Anan Timor mak simu sira. Maibé iha fatin hotu, kuandu iha vizita kortezia ida hanesan ne’e, sira sempre halo vizita kortezia ba Prezidenti da Repúblika, Primeiru Ministru no mós Ministru Negósiu Estranjeiru (MNEK).

LUGU hatutan katak, tenente Jeneral Malaysia ne’e hanesan Diretur Jeral servisu saude militar ninia iha Malaysia. Tanba ne’e, vizita kortezia ida ne’e, ema hotu hatene katak, desde inísiu kedas TL restaura ninia independénsia, sira fó sira nia apoiu hanesan, transportes, no mós kapasita TL nia forsa armadas sira.

“Alénde apoiu konkretu ne’ebé sira halo tiha ona, ohin loron mós sira hakarak hamutuk ho ita para dezenvolve servisu saude militares. Ne’ebé ami ohin koalia hodi sira esplika sira nia vizita ne’e, saida mak sira hakarak halo, no ha’u mós aproveita fó informasaun ba sira kona-ba saida mak ita hakarak hala’o iha ita nia rai,”hateten José Luis Guterres (LUGU), ba Jornalista sira Kuarta, (25/6) iha nia kna’ar fatin Pantai Kelapa Dili.

LUGU dehan, relasaun bilaterál entre TL ho Malaysia ne’e di’ak tebes, tanba Malaysia durante ne’e Malaysia mós apoiu TL atu tama ba ASEAN.

LUGU haktuir, TL hein katak, relasaun ida ne’e ba oin bele la’o di’ak liutan, no koperasaun militar iha área saude nian no área seluk tan bele la’o di’ak, tanba Malaysia hanesan nasaun ida ne’ebé hola parte mós iha ASEAN.

LUGU esplika, la’os Malaysia deit, maibé nasaun sira seluk ne’ebé hola parte mós iha ASEAN, hanesan Indonesia, Singapora, Brunei no mós Thailandia di’ak ba TL, tanba dadauk ne’e TL iha hela prosesu atu tama ba ASEAN.

“Tanba ita mós hanesan nasaun ida ne’ebé besik liu pasífiku, ita nia relasaun ho forum das illas pasífiku ne’ebé inklui Australia nomós Nova Zelandia no país sira seluk, ita nia relasaun ho sira mós di’ak,”katak LUGU.

Tanba ne’e nia esplika katak, esforsu Estadu nian atu halo buat hotu iha rejiaun ne’e, presiza relasaun ne’ebé di’ak, para ajuda dezenvolve TL nia ekonomia, atu nia benefísiu ne’e bele fó ba povu TL.tap

Be Sociable, Share!
(Visited 1 times, 1 visits today)

Leave a Reply

Your email address will not be published.