PNTL Sei Kaptura Grupu Mauk Moruk

PNTL Sei Kaptura Grupu Mauk Moruk

posted: Tuesday, December 03, 2013 | 4 comments | 707 Views

Komandante Operasaun Nasional, Policia Naciona de Timor-Leste (PNTL), Superintendente Xefi Armando Monteiro, promete katak bazeia ba rezolusaun ne’ebé fo sai husi Governu mak iha tempu badak sira sei halo kapturasaun ba grupo eis Komandante Falintil Paulino Gama ‘Mauk Moruk’ ne’ebé oras ne’e halo movimentu tun-sa’e.

“Rezulusaun governu iha ona Polisia nia liman, agora dadauk mediasaun la’o hela, hodi nune’e hein katak iha tempu badak operasaun ne’e sei realiza hodi halo kapturasaun no mos prende ba atributu ne’ebé mak grupu balun uza hodi halo movimentu loron kalan no mos halo aktividade seluk hodi halo konfuzaun iha ita nia komunidade nia le’et,”dehan Komandante operasaun Nasional Armando Monteiro ba Jornalista sira iha Kuartel Jeral PNTL, Caicoli, Dili, Tersa (03/12), bainhira husu kona ba atuasaun saida mak PNTL halo hasoru grupo Mauk Moruk ne’ebé hanaran Kosellu Revolusaun.

Oras ne’e dadauk populasaun sira sempre koalia no tauk bainhira kona grupo Mauk Moruk nian ne’ebé ameasa atu halo revolusaun hasoru Estadu, tanba grupo ho naran Konsellu Revolusaun ne’e la satisfeitu ho programa ne’ebé Governu halo ba nasaun ida ne’e.

Tanba ne’e, Armando Monteiro afirma katak, populasaun sira keta hakfodak no trauma tanba polisia sempre fo seguransa, nune’e nia impaktu maka durante komando distrital sira halo operasaun konsege prende fardamentu balun no mos balun sira rasik mak voluntariamente entrega deit ba polisia.

Tuir Komandante ne’e katak, aktividade grupu Mauk Moruk nian ne’ebé uza farda militar ne’e kontra lei tanba iha lei ne’e autoriza deit instituisaun seguransa defeza hanesan Falintil-Forsa Defeza Timor-Leste (F-FDTL) no Polisia Nasional Timor-Leste (PNTL) mak bele utiliza farda maibe kualker sidadaun labele uza.

“Ita hatene katak lei ne’e autoriza deit instituisaun seguransa defeza mak uza atributus no mos farda militares, ne’e mak hakerek iha rezolusaun no lei sira mas alende husi instituisaun rua ne’e organizasaaun ka asosiasaun ne’ebé uza atributu militar bainhira operasaun polisia nian mak hetan maka sei prende,” dehan tan Armando Monteiro.

Antes ne’e iha publiku tomak nia tilun rona katak, katak Grupu Mauk Moruk nian konsentra hamutuk iha Sub-Distrito Laga, Distritu Baucau, maibe oras ne’e dadaun Polisia halo ona operasaun iha fatin refere.may

Be Sociable, Share!

Trackbacks

  1. Grupos de ex-guerrilheiros timorenses questionam a legitimidade do Estado · Global Voices em Português
  2. Ex-Guerrillas Threaten Political Stability in East Timor · Global Voices
  3. Timor Est: Ex-guerriglieri minacciano la stabilità politica del paese · Global Voices in Italiano

Comments

4 Responses to “PNTL Sei Kaptura Grupu Mauk Moruk”
  1. 621920 301138great post. Ne

Leave a Reply

Connect with:

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>